maging bihasa

Inaamin ko sa sarili ko na simula ng mahulog ang loob ko sa taong ito na mahilig magsulat ako na rin ay nabighani sa pagsusulat. Bagama’t hindi bihisa pero patuloy pa rin na nagsusumikap dahil alam kong malaki ang maidudulot ng pagsusulat sa aking buhay.

Noon, ang pagsusulat  at pagbabasa ay isa sa mga bagay na kinaiinisan kong gawin lalo na sa mga asignaturang Filipino at Ingles sapagkat matagal akong makapag-organisa ng nilalaman ng aking isipan. Pero ngayon lubusan na talaga akong nabighani sa pagsusulat, at sa pagbabasa naman ay dahan-dahan pa sapagkat ako ay tila isang ningas-kugon sa mga libro. Sa katunayan, iisa pa lang ang librong natapos kong basahin at iyon ay ang “The Purpose Driven Life“. 

Marahil kayo ay nagtataka kung bakit ginagamit ko ang Wikang Filipino sa aking pagsusulat ngayon. Ito ay sa kadahilanang ako ay labis na namangha sa mga pagbabago sa Retorikang Filipino at nais ko ring ipabatid at ilapat sa pagsasagawa ang aking natutunan sa loob ng klasrom. Mga pagbabagong katulad nito: Ang una ay sa Ingles, pangalawa ay dati, pangatlo ay ang bago.

modernization - modernisasyon - modernizasyon, reform - reporma -  reform, official - opisyal - ofisyal, effective - epektibo - efektiv…at marami pang iba… 

Tunay ngang napakahalaga ng patuloy na pag-aaral dahil malalaman mo kung ano na ang bago at hindi. Ayon pa nga sa aming titser, “napakasuwerte namin dahil kami ang unang naturuan nito ngayon”. Kaya naman, lubos akong nagpapasalamat hindi lamang sa kanya kundi pati na rin sa mga taong nagsilbing inspirasyon sa aking buhay lalung-lalo na sa aking mga naging guro at magiging guro. Gusto ko talagang maging bihasa sa pakikipagtalastasan. Maaring sa pasulat o pasalita lalung-lalo na sa wikang Ingles. (O, ano man? drama at OA ra kaayo? hehehehhe….)Sa totoo lang, nahihirapan din akong maglagay ng angkop na pamagat sa bawat akda ko…Pagpasensiyahan nyo lang ha…May potensiyal ba? hehehehehe….